Инглиз нашрлари томонидан «янги Уэйн Руни» деб эътироф этилаётган «Лидс» ҳужумчиси Жо Гелхардт , Испаниянинг топ-клублари эътиборини тортди, деб хабар беради Don Balon.
Манбага кўра, «Барселона» ва «Реал Мадрид» скаутлари 18 ёшли ҳужумчини кузатиб боришмоқда ва яқин орада уни сотиб олишга ҳаракат қилишлари мумкин.
Гелхардт асосий жамоасининг таркиб қайдномасидан ўрин олган бўлсада, ҳали биронта ҳам расмий учрашув ўтказгани йўқ.
Айни пайтда англиялик футболчи 23 ёшгача бўлган футболчилар иштирок этадиган Премьер-лига-2 мусобақасида тўп тепмоқда.
Маълумот учун, қиймати 1,3 миллион еврога баҳоланаётган футболчи ушбу мавсум, «Лидс U23» таркибида 16 ўйин ўтказиб, 11 гол ва 3 голли узатмани амалга оширган.
