Ушбу мавсумда “Арсенал“ тўққизта уй уйинда мағлуб бўлди.

Англия чемпионатининг 33-турида «Арсенал» ўз майдонида «Эвертон»га минимал, 0:1 ҳисобида имкониятни бой берди. 76-дақиқада Ришарлисоннинг зарбасидан сўнг Лено ўз дарвозасини ишғол этиб қўйди.

Мураббий Микел Артета шогирдлари ушбу мавсум барча мусобақаларда уйдаги 25 ўйиннинг тўққизтасида мағлуб бўлишди.

Бу “Арсенал“ учун 1929/30 йилги мавсумдан бери энг ёмон натижа бўлди. Ўша мавсумда ҳам “канонирлар“ ўз майдонларидаги 9 ўйинда имконияти бой беришган эди.

Маълумот учун, Лондон жамоаси бугунгача 46 очко тўплаган ҳолда АПЛ турнир жадвалида тўққизинчи поғонани эгаллаб турибди.