АҚШнинг Флорида штати Жексонвилл шаҳрида Тошкент вақти билан 25 апрель, якшанба куни UFC 261 мусобақаси ўтказилди.

Мусобақанинг асосий кардида учта чемпионлик жанги бўлиб ўтди. Жумладан, аёллар ўртасида қирғизистонлик Валентина Шевченко америкалик Жессика Андрадени 2-раундда техник нокаутга учратиб, чемпионлик камарини ҳимоя қилди.

Яна бир чемпионлик жангида америкалик Роуз Намаюнас хитойлик амалдаги чемпион Чжан Вейлини 1-раунддаёқ нокаутга учратди ва UFC камарига яна бир бор эга чиқди.

Мусобақанинг асосий жангида ярим ўрта вазн чемпиони Камару Усмон даъвогар Хорхе Масвидалга қарши октагонга чиқди. Жанг 2-раунддаёқ якунланди. Усмон ўта кучли зарбаси билан Масвидални нокаутга учратди ва чемпионлик камарини ўзида сақлаб қолди.

UFC 261 мусобақаси натижалари билан танишинг:

Асосий кард:

Камару Усмон 2-раунддаёқ Хорхе Масвидални нокаутга учратди ва чемпионликни ўзида сақлаб қолди.

Роуз Намаюнас 1-раунддаёқ Чжан Вейлини нокаутга учратиб, чемпионга айланди.

Валентина Шевченко 2-раунддаёқ Жессика Андрадени техник нокаутга учратди ва чемпионликни ҳимоя қилди.

Юрая Ҳолл 1-раундда Крис Вайдманни техник нокаутга учратиб ғолиб бўлди.

Энтони Смит 1-раундда техник нокаут эвазига Жим Крутни мағлуб этди.

Прелим кард:

Ренди Браун 1-раунддаёқ Алекс Оливейрани таслим этди.
Дуайт Грант ҳакамлар қарорига кўра Стефан Секуличдан устун келди.
Брендан Аллен 1-раунддаёқ Карл Роберсонни мағлуб этди.
Пет Сабатини ҳакамлар қарорига кўра Тристан Коннеллини таслим қилди.
Дана Батгерел 1-раундда техник нокаут билан Кевин Нетивидедни мағлуб қилди.
Родриго Варгас ҳакамлар қарорига кўра Чжу Жун устидан ғалабага эришди.
Жефф Молина ҳакамлар қарорига кўра Силен Аожини мағлуб этди.
Ариан Карнелосси 2-раундда Лян Нани техник нокаутга учратди.