Мадриднинг «Атлетико» клуби бош мураббийи Диего Симеоне жамоанинг Испания чемпиони унвонини қўлга киритиш имкониятлари ҳақида ўз фикрлари билан ўртоқлашди.
«"Атлетико" чемпионлик учун курашаётган жамоалар қаторига киради. Бизни фаворит деб ҳисобламаслик адолатдан эмас. Биз чемпионликка ўйиндан-ўйинга етиб борамиз», - дейди аргентиналик мутахассис.
Айни пайтда «матрасчилар» 73 очко билан Ла Лига мусобақа жадвалида пешқадам бўлиб туришибди.
Эслатиб ўтамиз, Мадрид клуби ўзининг навбатдаги учрашувини бугун, 25 апрель куни, меҳмонда «Атлетико» Билбао билан ўтказади.
