Бугун ФИФА Мастер Футуро дастуридан ўрин олган ҳакамлар инструкторлари учун онлайн тарзда ўқув семинари старт олди.
Ушбу дастурнинг асосий йўналиши - бу бутун дунё бўйлаб ассоциациялардан танлаб олинган кадрларни тайёрлаш ҳисобланади. Шунингдек, ФИФА инструкторларига ўзларининг миллий футбол ассоциациялари ҳомийлигида маҳаллий ҳакамларга теория дарсларини ташкил этиш учун зарур кўникмаларни беради.
26 апрелдан 4 майга қадар давом этадиган мазкур семинарда ўзбекистонлик мутахассис Фарҳод Абдуллаев билан биргаликда ФИФАнинг етти нафар юқори малакали инструкторлари етмишдан ортиқ аккредитациядан ўтган ФИФА инструкторлари учун таълим бермоқда.
Курс қатнашчилари ФИФА томонидан махсус ишлаб чиқилган ҳакамлик кўрсатмаларига эга бўлган материаллар билан бир қаторда, Ўйин қоидалари билан боғлиқ масалаларни чуқур ўрганиб чиқмоқдалар.
Семинар маърузачилари:
Фарҳод Абдуллаев (Осиё)
Субҳиддин Моҳд (Осиё)
Дагмар Дамкова (Европа)
Лада Рожк (Европа)
Валентин Иванов (Европа)
Жорже Ларрионда (Жанубий Америка)
Оскар Руиз (Жанубий Америка)
Нумандиез Дуэ (Африка)
