ПСЖ ва бразилиялик ҳужумчи Неймар «Манчестер Сити» билан бўлиб ўтадиган Чемпионлар Лигаси ярим финали ҳақида гапирди ва футболчилик фаолиятидаги асосий мақсадни айтди.

«Биз яхши ўйнаб, доим яхшиланишга ҳаракат қиляпмиз. Ўтган мавсумда мусобақа финалига чиқдик. Бу йил биз кубокни қўлга киритиш учун ҳамма нарсани қиламиз. Ғалабага эришиш учун кўп ҳаракат қиляпмиз.

Биз чиндан ҳам Чемпионлар Лигасини ютишни хоҳлаймиз. Бу йил анча яхшиландик ва бунинг учун кўп ишладик.

Биз "Бавария"дан ўтдик ва «шаҳарликлар» устидан ғалаба қозониш учун ҳамма нарсани қиламиз. Шахсан мен ушбу учрашувда ғалаба қозониш учун қўлимдан келган барча ишни қиламан.

Менинг асосий мақсадим «Олтин тўп» эмас, мен у ҳақида биринчи навбатда ўйламайман. Мақсадим Чемпионлар лигаси. Ишончим комилки, келажакда биринчи бўлиб, Чемпионлар Лигасида икки-уч марта ғолиб чиққанимни эслайман», - дея футболчининг сўзларини келтирган УЕФА расмий сайти.

Эслатиб ўтамиз, ПСЖ - «Манчестер Сити» ўратасидаги ярим финалнинг биринчи ўйини 28 апрель, чоршанба куни Парижда бўлиб ўтади.