PSJ va braziliyalik hujumchi Neymar «Manchester Siti» bilan bo‘lib o‘tadigan Chempionlar Ligasi yarim finali haqida gapirdi va futbolchilik faoliyatidagi asosiy maqsadni aytdi.
«Biz yaxshi o‘ynab, doim yaxshilanishga harakat qilyapmiz. O‘tgan mavsumda musobaqa finaliga chiqdik. Bu yil biz kubokni qo‘lga kiritish uchun hamma narsani qilamiz. G‘alabaga erishish uchun ko‘p harakat qilyapmiz.
Biz chindan ham Chempionlar Ligasini yutishni xohlaymiz. Bu yil ancha yaxshilandik va buning uchun ko‘p ishladik.
Biz "Bavariya"dan o‘tdik va «shaharliklar» ustidan g‘alaba qozonish uchun hamma narsani qilamiz. Shaxsan men ushbu uchrashuvda g‘alaba qozonish uchun qo‘limdan kelgan barcha ishni qilaman.
Mening asosiy maqsadim «Oltin to‘p» emas, men u haqida birinchi navbatda o‘ylamayman. Maqsadim Chempionlar ligasi. Ishonchim komilki, kelajakda birinchi bo‘lib, Chempionlar Ligasida ikki-uch marta g‘olib chiqqanimni eslayman», - deya futbolchining so‘zlarini keltirgan UYEFA rasmiy sayti.
Eslatib o‘tamiz, PSJ - «Manchester Siti» o‘ratasidagi yarim finalning birinchi o‘yini 28 aprel, chorshanba kuni Parijda bo‘lib o‘tadi.
