"Атлетико" "Бенфика" ҳимоячиси Алехандро Грималдога қизиқиш билдирмоқда, деб хабар беради Ас.

Манбанинг таъкидлашича, "матрасчилар" учун 25 ёшли испаниялик чап қанот ҳимоя позициясини кучайтириш учун асосий вариантига айланган.

Трансфер ҳақидаги музокаралар йил бошида бошланган эди ва мавсум охирига яқин янги куч билан қайта тикланди.

Футболчининг товон пули - 60 миллион евро қилиб кўрсатилган. Аммо музокаралардан сўнг футболчининг нархи тушиши мумкин.

Жорий мавсум Грималдо миллий чемпионатнинг 26 учрашувида майдонга тушиб, 2 та голи ва 8 та голли узатмани амалга оширди. Маълумот учун у ассистлар сони бўйича Лигада етакчилик қилмоқда.