Ўзбекистон Профессионал футбол лигаси одатга кўра, ҳар ой Coca-Cola Суперлиганинг энг яхши мураббийи ва футболчиси, шунингдек, энг чиройли голини аниқлаб келмоқда. Ортда қолаётган апрель ойида Суперлигада 3 та тур учрашувлари бўлиб ўтди. Мазкур беллашувлар давомида кўплаб футболчи ва мураббийлар ўзларини кўрсатишга эришди.

Апрель ойининг энг яхши мураббийи бўлиш учун номзодлар

Питер Хюистра (“Пахтакор”) – 2 та ўйин, 2 ғалаба

Рўзиқул Бердиев (“Насаф”) – 3 та ўйин, 3 ғалаба

Микаэл Секейра (“Локомотив”) – 3 ўйин, 2 ғалаба, 1 дуранг

Жасур Абдураимов (“Металлург”) – 3 ўйин, 2 ғалаба.

Апрель ойининг энг яхши футболчиси бўлиш учун номзодлар

Эрен Дердийок (“Пахтакор”) – 2 ўйин, 2 гол

Шохруз Норхонов (“Сўғдиёна”) – 3 ўйин, 4 гол

Драган Черан (“Пахтакор”) – 2 ўйин, 2 гол

Марко Станоевич (“Насаф”) – 3 ўйин, 4 гол

Ҳусаин Норчаев (“Насаф”) – 3 ўйин, 2 гол

Диёр Туропов (“Локомотив”) – 3 ўйин, 2 гол.

Апрель ойининг энг чиройли голига номзодлар

Шоҳруҳ Гадоев (АГМК – “Навбаҳор” учрашувида)

Марко Станоевич (“Насаф” – “Турон”)

Нурилло Тўхтасинов (“Бунёдкор” – “Сўғдиёна”)

Марко Станоевич (“Қизилқум” – “Насаф” учрашувидаги биринчи голи)

Аюбхон Нўъмонов (“Бунёдкор” – “Сўғдиёна”)

Жасур Ҳасанов (“Сўғдиёна” – “Машъал”)

Акмал Мозговой (“Насаф” – “Сурхон” учрашувидаги биринчи голи)

Марко Станоевич (“Насаф” – “Сурхон”).

Эслатиб ўтамиз, овоз бериш жараёнида Coca-Cola Суперлига клублари бош мураббийлари ва сардорлари ҳамда мухлислар иштирок этишади. Coca-Cola Суперлиганинг 14 клуби бош мураббийлари ҳамда сардорлари кўрсатилган номзодларни учталикка жойлаштириб чиқади. Дастлабки ўринда кўрсатилган номзод 3, мос равишда кейинги икки ўриндагилар 2 ва 1 очколик бўлади. ЎзПФЛ томонидан футбол мухлислари ўртасида ўтказилган сўровнома натижаси эса мураббий ва сардорлар ўртасида ўтказилган сўровнома натижаларига қўшилади. Бунда мухлислар овози катта аҳамиятга эга бўлиб, биринчи ўринни эгаллаган номзод 6, мос равишда кейингилар 4 ва 2 очкодан қўлга киритади. Якунда энг кўп балл тўплаганлар ойнинг энг яхшилари сифатида эътироф этилади. Мазкур ҳавола орқали апрель ойининг энг яхшиларини аниқлаш жараёнида иштирок этиш имкониятига эгасиз.