«Сан-Паулу» ҳимоячиси Дани Алвес «Барселона»даги собиқ жамоадоши Лионель Мессининг келажаги борасида фикр билдирди.

«Мессига у «Барселона» ўйинчиси бўлиш учун туғилганини бир неча бор айтдим, «Барса» эса у учун яратилган. Олдин у менга маслаҳат берганди, шундай экан мен ҳам бу ишни қила оламан. У мендан «Барса»да қолишим кераклигини айтганди, чунки бундан бошқа яхши жой йўқ. У мендан «қаерда ўзингни бахтли ҳис қиласан?» деб сўраган ва мен қолгандим.

Энди шу суҳбатни унга эслатдим. Чунки энг яқин дўстим, менга «Барса» энг яхши жой эканлигини айтганди. У ҳали жавоб қайтаргани йўқ. Аммо, «Барселона» қандай яхши жой эканлигини кетганингиздан кейин тушунасиз. Клубни тарк этган барча ўйинчилар кейинчалик афсусланишган. Нима сабабдан кетишга мажбур бўлишган бўлса ҳам», — деди Алвес.