«Ювентус» бош мураббийи Андреа Пирло «Удинезе»га қарши ўйиндан олдин ўз фикрларини билдирди.

«Криштиану Роналду ҳужумда Дибала билан жуфтликда ўйнайди, чунки Мората ўзининг энг яхши формасида эмас. У машғулотларда хотиржам ва яхши.

Раҳбарият билан гаплашдим. Биз учун муҳим палла келганини тушуниб турибмиз. 15 очколик ўйинлар ва Италия кубоги баҳси бор. Барча ўйинлар муҳим аҳамиятга эга. Келаётган ўйинларга бор эътиборни қаратганмиз.

Анча йиллардан бери футбол оламидаман ва ошкоралик нималигини яхши биламан. Бу менинг ўғлим билан бўлганидан жуда афсусдаман, чунки унинг ушбу вазиятга алоқаси йўқ. Лекин, у клавиатура ортига беркиниб олганларга эътибор бермаслиги керак. У фақат олдинга қараши лозим», — деди Пирло.

Бир неча кун олдин 17 ёшли Николо Пирло «Ювентус»нинг омадсиз ўйини сабаб унга ўлим билан таҳдид қилишганини маълум қилганди.

Турин клуби эртага, 2 май куни «Удинезе»га қарши ўйнайди. Учрашув Тошкент вақти билан 21:00да бошланади.