"Ливерпуль" ҳужумчиси Муҳаммад Салоҳ унинг келажаги борасида аниқ маълумотга эга эмаслигини маълум қилди.
"Ҳеч ким мен билан шартномани узайтириш тўғрисида ҳали суҳбатлашмади, шунинг учун мен бу ҳақда айта олмайман. Клубда ҳеч ким мен билан ҳеч нарса ҳақида гаплашмайди, шу сабаб мен нима дейишни билмайман", - дейди Салоҳ.
Маълумот учун 28 ёшли мисрлик футболчининг мерсисайдликлар билан амалдаги шартномаси 2023-йилнинг ёзига қадар ҳисоблаб чиқилган. Аввалроқ ОАВ Юрген Клопп билан муносабатлари ёмонлашгани сабабли Салоҳ ёзги трансфер ойнасида клубини ўзгартириши мумкинлиги ҳақида хабар берган эди.
