Шанба куни «Атлетико» сафарда «Эльче»ни минимал, 1:0 ҳисобида мағлуб этди ва мавсум тугашига тўрт тур қолганида Испания чемпионати турнир жадвалида пешқадамликни сақлаб қолди. Ўйин сўнгида «матрасчилар» устози Диего Симеоне ҳимоячи Хосе Хименесни алмаштирди.
Mundo Deportivo хабарига кўра, мадридликлар ҳимоячиси мушакларига шикаст етказган.
Келаси шанба куни «Атлетико» «Барселона»га қарши катта эҳтимол билан чемпионлик жангни ўтказади. Жамоалар «Камп Ноу» стадионида кураш олиб боришади.
Маълумот ўрнида, Хосе Хименес ушбу мавсум «Атлетико» сафида 25 ўйин ўтказиб, 1 гол уришга муваффақ бўлди.
