Зинедин Зидан ҳимоячи Рафаэль Вараннинг аҳволи ҳақида гапирди
Мадриднинг «Реал» клуби бош мураббийи Зинедин Зидан «Осасуна»га қарши Испания чемпионатининг 34-тур учрашуви (2: 0) да жароҳат олган ҳимоячи Рафаэл Вараннинг аҳволи ҳақида гапирди.
Эслатиб ўтамиз, Варан ўйиннинг 46-дақиқасида жароҳат олди. Унинг ўрнига эса ҳимоячи Начо майдонга туширилди.
«"Реал"нинг ўйин услубидан мамнунман. Варан орттириб олган жароҳатга келсак, умид қиламанки, жиддий нарса йўқ. Рафаэльнинг ўзи буни арзимас нарса деб айтди. Умид қиламанки бу ҳақиқат.
Умуман олганда, жамоа жисмоний ва эмоционал жиҳатдан яхши даражада эди. Биз ҳар уч кунда ўйнаймиз ва шунинг учун ҳар бир детал муҳим. «Осасуна»га қарши ўйинда жамоанинг жисмоний ҳолати яхши эди. Мен футболчиларимдан мамнунман», - дейди франциялик мутахассис.