«Интер» клуби ҳужумчиси Диего Форланнинг агенти Даниэль Болотниковнинг таъкидлашича, мижози Миланни тарк этмоқчи эмас. Бу ҳақда «Football Italia» интернет-нашри хабар бермоқда.
«Диего «Сан-Паулу»га ўтмоқчи эмас. Бу жамоа биз билан ҳатто алоқага ҳам чиққани йўқ. Газеталар бунақанги маълумотларни қаердан олишганидан эса хабарим йўқ», деди Болотников.
«Интер»да Диегони ҳамма нарса қониқтираяпти. У клубда имкон қадар кўпроқ вақт давомида тўп сурмоқчи», дея қўшимча қилди Форланнинг агенти.
2011 йилнинг ёзида Мадриднинг «Атлетико» клубидан «Интер»га ўтган уругвайлик ҳужумчи ўтган вақт давомида «А» Серия ўйинлари доирасида 9 та учршувда майдонга тушган бўлиб, фақат бир марта гол уришга муваффақ бўлган.