"Айнтрахт" ўзининг португалиялик ҳужумчиси Андре Силвани "Манчестер Юнайтед"га сотишга тайёр. Бу ҳақда "Daily Express" нашри хабар бермоқда. Манбага кўра, "қизил иблислар" Силва учун расмий таклиф юборишган. Франкфурт клуби футболчи учун камида 40 миллион евро олишни истамоқда.

Ушбу мавсум Андре Силва Германия чемпионатининг 29 та учрашувида майдонга тушиб, 25 гол уришга муваффақ бўлди. Апрелда "Реал" ва "Айнтрахт"нинг ёзги трансфер ойнасида ўзаро ҳужумчиларни алмаштириши мумкинлиги ҳақида хабар берилган эди. Яъни Андре Силва "Реал" Лука Йович эса Франкфурт жамоаси футболчисига айланиши кўзда тутилган.

 Маълумот учун Силва фаолиятини "Порту"да бошлаган ва 2017-йилда уни "Милан" сотиб олди. Ўшанда футболчининг трансфер суммаси 38 миллион еврони ташкил қилган. Италия жамоасидан у "Севилья"га ижарага ўтди ва 2019-йилдан буён "Айнтрахт" шарафини ҳимоя қилиб келмоқда.