Мадриднинг «Реал» клуби ярим ҳимоячи Эден Азар билан хайрлашмоқчи. Унинг «Челси»га қарши ўйиндан кейинги хатти-ҳаракатлари клуб хўжайинларини ғазаблантирган.

Мадрид клуби белгияликни 50 миллион еврога сотишга тайёр. Азарни сотишдан тушган пул орқали, «Реал» президенти Флорентино Перес «ПСЖ» ҳужумчиси Килиан Мбаппени сотиб олишга сармоя киритмоқчи, деб ёзади Mundo Deportivo.

Marca эса «Реал»нинг футболчини сотмоқчи бўлганлиги ҳақидаги маълумотни тасдиқлаб, футболчи трансферга қўйилганлигини ёзмоқда.

Айтишларича, клуб 30 ёшли ярим ҳимоячининг ўйин даражасидан жуда норози ва унинг Чемпионлар Лигаси ярим финалида «Челси»дан учралган мағлубиятдан сўнг, ўзини тутиши Мадрид раҳбариятига ёқмаган.

Эслатиб ўтамиз, ярим ҳимоячи тахминан 100 миллион евро эвазига (бонуслардан ташқари) «Реал»га кўчиб ўтган эди.

Маълумот ўрнида, Белгиялик футболчи ушбу мавсум «Реал Мадрид» таркибида барча мусобақаларда ўтказган 18 учрашувида 3 гол урган.