"Манчестер Сити" ва "Челси" клуби ўртасидаги Чмпионлар Лигаси финал ўйини бошқа жойга кўчирилиши мумкин. Бу ҳақда ESPN нашри хабар тарқатди.
Эслатиб ўтамиз, финал учрашуви 29-майдан 30-майга ўтар кечаси Тошкент вақти билан 00:00да Туркиянинг Истанбул шаҳридаги "Отатурк олимпия" стадионида бўлиб ўтиши белгиланган.
Буюк Британия ҳукумати УЕФА билан учрашувни Истанбулда ўтказмаслик бўйича музокаралар олиб бораётгани ҳақида хабар берилди. Бундан ташқари, Буюк Британия ҳукумати Туркияни "қизил рўйхат"га киритди ва у ердан келганлар, шу жумладан футболчилар, 10 кунлик карантинга олинади. Ҳозирча УЕФА бу борада якуний қарорни чиқаргани йўқ.
Эслатиб ўтамиз, Туркияда коронавирус тарқалиши кескин ошганлиги туфайли тўлиқ карантин жорий этилган.
Аввалроқ, "Астон Вилла" бу йилги Чемпионлар Лигаси финалини ўз стадионида ўтказиш таклифи билан чиққани ҳақида хабар бергандик.
