Манчестердаги ресторанлардан бирига овқат тановвул қилиш учун дўстлари билан ташриф буюрган Марио Балотеллига "МЮ" фанатлари томонидан ҳужум уюштирилган. Натижада унинг автомобили бир қатор безорилар томонидан зарар кўрган, дейди The Daily Mail.

Футболчи ресторанда ўтирган пайтда бир неча фанатлар унинг автомобилини тухумлар билан ўққа тутишади. Кейинчалик маълум бўлишича, бу "МЮ"нинг бир қатор фанатлари томонидан олдиндан режалаштирилган акция бўлган.

Ушбу воқеадан бир неча соат олдин "Манечестер Сити" ўз майдонида "Тоттенҳэм"ни айнан Балотеллининг сўнгги дақиқалардаги голи эвазига мағлуб этишганди. Манчестернинг бошқа бир жамоас, "Юнайтед"нинг айрим фанатлари шу йўл билан Балотеллига ўз "муҳаббат"ларини ошкор этишган.