Англия Премьер Лигасининг 35-турида «Манчестер Сити» ва «Челси» 8 май, шанба куни ўзаро баҳс юритди.

Манчестерда кечган баҳсда лондонликларнинг қўли баланд келди. Дастлаб 44-дақиқада Раҳим Стерлинг ҳисобни очди. Биринчи бўлимнинг ўзида «шаҳарлик»лар ҳисобни ошириши мумкин эди, аммо Серхио Агуэро 11 метрлик жарима зарбасини голга айлантира олмади. Иккинчи бўлимнинг 63-дақиқасига келиб, Ҳаким Зиёш мувозанатни тиклади. 90+3-дақиқада эса Маркос Алонсо гол уриб, ўйинга якуний нуқтани қўйди.

Ушбу ғалабадан кейин «Челси»нинг очколари сони 64 тага етди, жамоа 3-ўринга кўтарилди. «Манчестер Сити» (80) эса мағлубиятга қарамай пешқадамлик қилмоқда.

АПЛ, 35-тур
8 май, шанба
«Манчестер Сити» — «Челси» 1:2
Голлар: 1:0 – 44 Стерлинг, 1:1 – 63 Зиёш, 1:2 – 90+3 Алонсо.
«Манчестер Сити»: Эдерсон, Менди (Зинченко, 80), Аке, Рубен Диаш, Жоау Канселу, Ферран Торрес (Гундўғон, 71), Родри, Стерлинг, Ляпорт, Габриэль Жезус, Агуэро (Фоден, 70).
«Челси»: Менди, Алонсо, Рюдигер, Кристенсен (Зума, 45), Жеймс, Зиёш (Ҳадсон-Одои, 76), Канте (Жоржиньо, 68), Пулишич, Гилмор, Аспиликуэта, Вернер.
Огоҳлантиришлар: Стерлинг (12), Габриэль Жезус (90).