Лондоннинг «Арсенал» клуби келаси мавсум ҳам Чемпионлар Лигасида қатнашмайдиган бўлди.
«Челси» "Манчестер Сити" устидан қозонган ғалабаси орқали очколар сонини 64тага етказиб мусобақа жадвалининг учинчи поғонасига кўтарилиб олди. Айни пайтда АПЛда тўртинчи ўринда бораётган «Лестер» ҳисобида 63 очко мавжуд.
Шу тариқа, 49 очкога эга бўлиб турган Микел Артета жамоаси мавсумнинг қолган 4 учрашувида ғалаба қозонса ҳам кучли тўртликка кира олмаслиги маълум бўлди.
«Канонирлар» охирги марта 2015-16 йилги мавсумда ЕЧЛ йўлланмасини қўлга киритишганди. Ўшанда Арсен Венгер бошқарган жамоа «Лестер»дан кейин иккинчи ўринни эгаллаган.
