«Бавария» ҳужумчиси Роберт Левандовски Менхенгладбахнинг «Боруссия» клубига қарши учрашувда хет-трик қайд этди.
Шу тариқа польшалик футболчи мюнхенликлар сафида Германия чемпионати доирасида 201-голини урди. У Бундеслига тарихида бир клуб сафида 200тадан ошиқ гол урган иккинчи футболчига айланди. Биринчиси «Бавария»нинг афсонавий ҳужумчиси Герд Мюллердир. У Мюнхен жамоаси сафида 365та гол урган.
Шунингдек, «Боруссия» билан бўлган баҳсда Левандовски Германия чемпионатларидаги энг тезкор голини урди. Роберт менхенгладбахликлар дарвозасини ишғол қилганида соат миллари 1 дақиқаю 53 сонияни кўрсатиб турганди.
