"Наполи" бош мураббийи Женнаро Гаттузо "Фиорентина"да иш бошлаши мумкин. Флоренция клуби 43 ёшли мутахассис билан музокаралар олиб борди, дея хабар берди журналист Фабрицио Романо ўзининг твиттер саҳифасида. Аввалроқ Гаттузо "Фиорентина"да тўлиқ ҳаракат эркинлигини қўлга киритиши ҳақида хабар берилганди.
У ўртача ёшни пасайтириш учун трансфер стратегиясига таъсир қилади ва бутун таркибни қайта тиклайди. Томонлар мавсумни узайтириш имконияти билан икки йиллик шартномани имзолайдилар. Айни пайтда "Фиорентина" А Серия турнир жадвалида 38 очко билан 13-ўринни эгаллаб турибди. Маълумот учун Гаттузога Туриннинг "Ювентус" жамоаси ҳам қизиқиш билдирган.
