Футбол бўйича Ўзбекистон Суперлигасининг 5-туридан ўрин олган қолдирилган ўйин доирасида АГМК 10 май, душанба куни «Турон» майдонига сафар қилди.
Учрашув тақдирини ҳал қилиб берган ягона гол 68-дақиқада Шоҳрух Гадоев томонидан киритилди. Шу тариқа Олмалиқ клуби сафарда кечган баҳсда минимал ҳисобда ғалаба қозониб, уч очкони қўлга киритди.
Ушбу ғалабадан кейин АГМКнинг очколари 13 тага етди ва 3-ўринга кўтарилди. «Турон» (3) эса сўнгги ўриндан жой олган.
Суперлига
5-тур, қолдирилган баҳс
«Турон» — АГМК 0:1
Гол: 0:1 — 68 Гадоев.
«Турон»: 87.Акмал Ортиқов, 2.Абдуқаҳҳор Ҳожиакбаров, 4.Аслиддин Тоштемиров, 9.Жасур Ҳакимов (11.Асилбек Қаюмов, 59), 10.Жавоҳир Соҳибов (3.Даврон Умиров, 78), 17.Музаффар Музаффаров (32.Жаҳонгир Меҳмонов, 78), 19.Владислав Касминин, 30.Синиша Бабич, 43.Ким Боёнг, 55.Деян Поневич, 77.Билолхон Тошмирзаев (23.Абдураҳмон Абдулҳақов, 60).
АГМК: 1.Ботирали Эргашев,77.Дилшод Аҳмадалиев, 7.Сардор Раҳмонов, 8.Бобур Йўлдошев, 2.Акром Комилов, 23.Йован Жокич, 5.Дилшод Жўраев (4.Миржамол Қосимов, 89), 22.Санжар Шоаҳмедов, 94.Элвин Фортес (28.Шоҳрух Гадоев, 57), 9.Зафар Полвонов, 11.Мурод Тошматов.
Огоҳлантиришлар: Сардор Раҳмонов 16, Бобур Йўлдошев 54, Владислав Касминин 90+2.
