10 май куни Суперлиганинг 5-тури доирасидаги қолдирилган «Турон» – АГМК тўқнашуви бўлиб ўтди(0:1). Мазкур баҳсда Олмалиқнинг АГМК жамоаси минимал ҳисобда ғалаба қозонди.

Ўйин якунлангандан сўнг, «Турон» бош мураббий Ислом Исмоилов Фейсбукдаги саҳифасида бугунги ўйин ҳақида изоҳ қолдирди:

«Биз ҳам инсонмиз! Бизда ҳам сабрнинг чегараси бор. Агар воқеалар ривожи шундай давом этса, бутун умрга футболдан кетаман, лекин ўзим билан кўпчиликни олиб кетаман. Бугунми, эртагами, барчасининг жавоб бор. Аллоҳдан қўрқинглар».

Эътиборли жиҳати шуки, Ислом Исмоилов изоҳ қолдирмасидан олдин берган интервьюси бошқача кўриниш олди.

«Ўйинга келсак, ёмон бошламадик, биринчи бўлимда тўлиқ назоратни қўлга олдик, бир қанча вазиятларни яратдик. Лекин бу – футбол, ундан ҳар доим яхши ўйнаган жамоа ғолиб чиқмайди. Демак, ниманидир нотўғри қиляпмиз, шу боис мағлубиятга учрадик. Барча айбни ўз зиммамга оламан. Футболчилар билан гаплашиб олдик, 2 кундан кейин бизни яна бир ўйин кутмоқда. Бу нарса руҳий ҳолатимизга таъсир қилмаслиги керак. Вазиятдан чиқиб кетиш учун ҳаракат қиламиз» – деган эди Фейсбукдаги саҳифасига изоҳ қолдирмасдан олди Ислом Исмоилов.

Ўзбек мухлисларига маълумки, Ислом Исмоилов Суперлига 2 туридан ўрин олган «Сўғдиёна» ва «Турон» ўртасидаги баҳс якунига етганидан сўнг ўзининг ҳақли эътирозларини билдириб ўтган эди.