«Интер»нинг голландиялик яримҳимоячиси Уэсли Снейдер январдаги трансфер ойнаси вақтида клубни тарк этмоқчи эмаслигини маълум қилди.
Яримҳимоячининг Англия йўл олиши мумкинлиги ҳақида анчадан бери гап-сўзлар бор эди. Маълумотларга кўра, Англиянинг «Манчестер Сити» ҳамд «Манчестер Юнайтед» жамоалари Голландия терма жамоаси аъзосига жиддий қизиқиш билдирмоқда. Аммо футболчи «Интер»ни тарк этиш нияти йўқлигини алоҳида таъкидлаб ўтди.
«Жисмоний ҳолатим яхши, ўзимни ҳам яхши ҳис қилмоқдаман. Келажагим ҳақида нима дейишим мумкин? Мен «Интер»да қолишни хоҳлайман, менга бу ерда ҳамма нарса ёқади», деди Снейдер.
«Трансфер ойнаси ёпилишигача қанча вақт қолди? Бир ҳафта, дейсизми? Мен «Интер»да қоламан», дея қўшимча қилди 27 ёшли футболчи.
Италия чемпионатининг бу йилги мавсумида Снейдер «Интер» сафида 8 учрашувда майдонга тушиб, 1 та гол уришга муваффақ бўлган.