Мадриднинг "Реал" клуби устози Жозе Моуриньо испания кубогининг жавоб учрашувида, жамоа ҳимоячиси Пепенинг майдонга тушиши мумкинлигини тасдиқлади.
"Сантьяго Бернабео"даги баҳсда кўпчиликнинг муҳокамасига сабаб бўлган қилиқлари билан ёдда қолган Пепени, Мадрид клуби раҳбарияти иккита ўйинга четлатгани ҳақида ҳабарлар тарқалганди. Бугун эрталаб Испания Футбол Федерацияси тартиб-интизом қўмитаси Пепега қўйган айбловларни асоссиз деб топган ва унга нисбатан ҳеч қандай чора кўрувчи қарор қабул қилмагани ҳақида хабар тарқалди.
Мадридликлар устози Жозе Моуриньо эса, футболчини белидан олган кичик жароҳатини тузатгани ва "Барселона"га қарши жавоб баҳсида майдонга тушишга тайёр эканлигини таъкидлади.
"Пепе ўйинга тушишга тайёр ҳолатда. Агар ўйиндан олдин ўзини яхши хис қилса уни албатта майдонга тушираман. Ҳозирча учрашувда Ласана Диарра ҳамда Эстебан Гранероларнинг тушиши сўроқ остида турибди. Уларда кичик жароҳатлар мавжуд",- дейди Моуриньо, клуб расмий сайтига берган интервьюсида.
