«Атлетико» ўзининг навбатдаги юришини маваффаққиятли амалга оширди.

Испания Ла Лигаси 36-туридан ўрин олган «Атлетико»- «Реал Сосьедад» учрашуви ўз ниҳоясига етди. «Ванда Метрополитано» ўйингоҳида кечган баҳс мезбонларнинг 2:1 ҳисобидаги ғалабаси билан ниҳояланди.

Дастлаб, «матрасчилар» вакили Янник Карраско стандарт вазиятдан сўнг, ҳисобни очган бўлса, кейинчалик Анхель Корреа рақиб дарвозасига иккинчи тўпни киритди.

Баҳс якунига етиб бораётган бир паллада меҳмонлар аъзоси Элорса Субельдиа ўзи голи билан ўртадаги фарқни қисқартирди.

Лекин бу гол Сосьедадликларга очко олиб келмади. Якунда ҳисоб ўзгармади ва Мадрид жамоаси чемпионлик пойгасидаги навбатдаги тўсиқдан кўнгилдагидек ўтиб олди.

Шу тариқа, бугунги учрашувдан сўнг, 3 очкони қўлга киритган «Атлетико» ўз очколари сонини 80 тага етказиб олган ҳолда пешқадамликни мустаҳкамлаб олди. Бугунгача 56 очко жамғарган «Реал Сосьедад» эса бешинчи поғонадан жой олган.

«Атлетико» – «Реал Сосьедад» 2:1 (2:0, 0:1). «Ванда Метрополитано»

Голлар: 1:0 – 16 Карраско, 2:0 – 28 Корреа, 2:1 – 83 Субельдия.

«Атлетико» – Облак, Савич, Триппьер, Эрмосо, Фелипе, Сауль (Кондогбиа, 73), Карраско, Льоренте, Коке, Корреа (Жоау Феликс, 73), Суарес (Лоди, 81).

«Реал Сосьедад» – Ремиро, Монреаль (Лопес, 59), Сальдуа, Элустондо (Субельдия, 69), Саньян (Пачеко, 59), Ойарсабаль (Меркеланс, 69), Субименди, Барренечеа, Гуриди, Порту, Исак (Баутиста, 46).