Мадриднинг «Реал» клуби ҳимоячиси Марсело Ла Лиганинг 36-туридан ўрин олган «Гранада»га қарши баҳсда майдонга тушмайди.
Гап шундаки, бразилиялик футболчи бош мураббий Зинедин Зидан билан жамоа тактикалари борасида баҳслашган. Натижада франциялик мутахассис уни қайдномадан чиқариб юборган.
«Реал»да «Гранада»га қарши ўйин учун қайдномасида атиги 4 нафар ҳимоячи бор, улардан бири «Кастилья»дан жалб этилган.