Туриннинг «Ювентус» клуби хавбеки Адриан Рабьо «Сассуоло»га қарши баҳсдан сўнг ўз фикрлари билан ўртоқлашди.
«Сассуолони мағлуб этиш жуда муҳим эди. Биз «Милан» ни мағлуб этишда, муваффақиятсизликка учрадик, гарчи қўлимиздан келган барча ишни қилган бўлсак ҳам. Барчамизда кайфият яхши эмас, чунки «Ювентус» бундан ҳам яхшироқ ўйнаши мумкин эди.
Энди қолган иккита учрашувда ғалаба қозонишимиз керак. Биз охиригача курашамиз. Мухлислар биздан кўп нарса кутиб ўрганишган ва ўйлайманки ЕЧЛ йўлланмасини қўлга киритишни уддалаймиз», - дейди Рабьо.
Ҳозирда туринликлар А Серия турнир жадвалида 5-ўринни эгаллаб турибди.
