Германия Кубоги финалида «Лейпциг» ва «Боруссия Д» жамоалари 13 май, пайшанба куни ўзаро тўқнаш келди.

Учрашувнинг 5-дақиқасидаёқ Жейдон Санчо дортмундликларни олдинга олиб чиқди. 28-дақиқада Эрлинг Ҳоланд ўз ҳисобига гол ёздириб қўйган бўлса, биринчи бўлимга қўшиб берилган вақтда Санчо дублни нишонлаб, ҳисобни йирик кўринишга олиб келди.

Бунга «буқалар» 72-дақиқада Дани Олмонинг голи билан жавоб қайтарди. Ўйин якунланиши арафасида Ҳоланд ўзининг иккинчи ва жамоасининг тўртинчи голини уриб, ўйинга якуний нуқтани қўйди.

Германия кубоги, финал
13 май, пайшанба
«Лейпциг» — «Боруссия Д» 1:4
Голлар: 0:1 – 5 Санчо, 0:2 – 28 Ҳоланд, 0:3 – 45 Санчо, 1:3 – 71 Олмо, 1:4 – 87 Ҳоланд.
«Лейпциг»: Гулачи, Клостерманн, Ҳалстенберг, Упамекано, Мукиеле (Лаймер, 62), Кампл (Форсберг, 62), Забитцер, Айдара (Ҳенрихс, 70), Олмо, Ҳван Ҳи Чан (Нкунку, 46), Сёрлот (Поульсен, 46).
«Боруссия Д»: Бюрки, Ҳуммелс, Пишчек, Аканжи, Геррейру, Санчо (Менье, 89), Беллингҳем (Азар, 46), Доуд (Дилэйни, 74), Жан, Ройс (Брандт, 90), Ҳоланд (Рейна, 90).
Огоҳлантиришлар: Жан (15), Беллингҳем (25), Упамекано (45), Доуд (50), Олмо (81), Санчо (81), Ҳуммелс (90).