Австралия олимпия терма жамоаси бош мураббийи Аурелио Видмар Ўзбекистонга қарши ўйинда иштирок этадиган футболчилар рўйхатини эълон қилди.

Йиғинга "Аделаида" футболчиси Антони Голец, "Мелбурн Виктори" ярим ҳимоячиси Исака Чернак, "Брисбан" ўйинчиси Рокки Висконте билан биргаликда Чехия чемпионатида ўйнаётган Карим Булут ҳам таклиф этилди.

Шунингдек, Австралия футбол федерацияси Европада тўп сураётган футболчилар — Томми Оар ("Утрехт") ва Мэтью Леки ("Боруссия" Мюнхенгладбах-2)ни таркибга жалб қилиш борасида музокаралар олиб бормоқда.

Аурелио Видмар таркибга жалб қилган футболчилар рўйхати:
Терри Антонис, Азиз Беҳич, Марк Биригитти, Оливер Бозанич, Керем Булут, Исака Чернак, Мате Дугандзич, Диого Феррейра, Мэтью Фосчини, Энтони Голец, Жейсон Хоффман, Мэттью Журман, Бен Кантаровски, Даниэль Маллен, Митч Николс, Димитриос Петратос, Себастьян Рйал, Мэтью Райан, Адам Таггарт, Рокко Висконте.

Эслатиб ўтамиз, Ўзбекистон ва Австралия олимпия терма жамоалари ўртасидаги Лондон-2012 саралаш баҳси 5 февраль куни соат 20:00да "Жар" стадионида бўлиб ўтади.