Ўзбекистон Суперлигасининг 8-туридан ўрин олган сўнгги ўйинда АГМК ва «Бунёдкор» жамоалари 14 май, жума куни ўзаро баҳс юритди.

Учрашувнинг 34-дақиқасида мезбонлар легионери Йован Жокич майдондан четлатди. Ҳакам видеотакрорни томоша қилгач, футболчига қизил карточка кўрсатди.

Учрашувнинг ўзи эса голларга бой бўлди. Дастлаб 38-дақиқада Хуршид Ғиёсов 11 метрлик жарима зарбасини голга айлантирди. Иккинчи бўлим бошида Нурилло Тўхтасинов олис масофадан йўлланган зарба натижасида тўп тўсинга тегиб қайтди.

58-дақиқа «Бунёдкор» дарвозаси томон ҳам пенальти белгиланди. Пенальтидан Санжар Турсунов унумли фойдаланди. Шундан сўнг АГМК яна икки бор «қалдирғочлар» дарвозасига йўл топди: Турсунов дублни расмийлаштирган бўлса, Сардор Раҳмонов ҳам ўз номини таблога ёздириб қўйди.

Шу тариқа, Миржалол Қосимов бошчилигидаги АГМК турнинг марказий ўйинида «Бунёдкор» устидан иродали ғалабага эришди.

Суперлига, 8-тур
14 май, жума
АГМК — «Бунёдкор» 3:1
Голлар: 0:1 — 38 Ғиёсов, 1:1 — 58 Турсунов, 2:1 — 74 Турсунов, 3:1 — 77 Раҳмонов.
АГМК: 1.Ботирали Эргашев, 77.Дилшод Аҳмадалиев, 7.Сардор Раҳмонов, 8.Бобур Йўлдошев, 2.Акром Комилов, 23.Йован Жокич, 17.Санжар Турсунов (15.Аббос Отахонов, 88), 4.Миржамол Қосимов (5.Дилшод Жўраев, 46), 94.Элвин Фортес (10.Ҳусниддин Ғофуров, 46), 18.Александр Касян (9.Зафар Полвонов, 79), 28.Шоҳрух Гадоев (11.Мурод Тошматов, 85).
«Бунёдкор»: 1.Равшан Ягудин, 4.Даврон Эргашев, 6.Авазбек Ўлмасалиев, 9.Фаррух Икромов (13. Лутфулла Тўраев, 60), 10.Хуршид Ғиёсов (8. Санжар Рашидов, 88), 11.Расул Йўлдошев, 14.Миржаҳон Мираҳмадов (22. Шаҳбоз Эркинов, 88), 19.Нурилло Тўхтасинов, 30.Абдулла Абдуллаев, 34.Суҳроб Иззатов (49. Иброҳим Томива, 73), 35.Иброҳим Ибрагимов (7. Суннатилла Абдуллажонов, 88).
Огоҳлантиришлар: Иброҳим Ибрагимов (12), Миржаҳон Мираҳмадов (23), Акром Комилов (72), Дилшод Жўраев (90+4).
Четлатиш: Йован Жокич (34).