Бугун ОФК Кубоги “F” гуруҳи биринчи турида "Насаф" Қирғизистоннинг “Олой” жамоаси билан куч синашиб, якунда 4:0 ҳисобида ғалаба қозонди. Бу беллашувда жамоамиз сафига мавсум бошида келиб қўшилган Суҳроб Нуриллоев жамоа сафида дебют голини уришга эришди. Суҳроб Нуриллоев “Насаф” сафидаги илк гол ва учрашув ҳақида ўз фиклари билан бўлишди.

“Aвваламбор, жамоамизнинг барча мухлисларини бугунги ғалаба билан табриклайман. Жамоа сафида гол уриб ғалабага ўз ҳиссамни қўшганимдан жуда ҳам хурсандман. Бу голни кўпдан буён орзиқиб кутаётган эдим ва бугун бунга эришдим. Ўйлайманки, кейинги беллашувларда ҳам голлар уриб жамоамиз ғалабаларига ўз ҳиссамни қўшаман деган умиддаман”, — деди Суҳроб Нуриллоев.