«Ювентус» ярим ҳимоячиси Хуан Куадрадо «Интер» устидан қозонилган ғалаба (3: 2) ҳақида фикр билдирди.

«Бу ажойиб жамоага қарши қийин ўйин бўлди, озчилик бўлган пайтимиз ғалаба қозониш учун ҳамма нарсани қилдик.

Пенальтидан гол? Ҳа, анчадан бери пеналтиларни тепмаган эдим, аммо жамоанинг ишончни ҳис қилдим. Роналду майдонда йўқ эди, шунинг учун мен тўпга бордим.

Кейинги «Наполи»га қарши ўйин? Биз бу ҳақда гаплашмадик, барча фикрларимиз «Интер» билан ўйинга қаратилган эди, ғалабага эришганимиз жуда яхши. Келинг, эртага нима бўлишини эртага кўрамиз», - деди колумбиялик футболчи.