«Бавария» бош менежери Карл-Хайнтс Румменигге ҳужумчи Роберт Левандовскининг Герд Мюллернинг рекордини такрорлашига изоҳ берди.
«Биз Робертдан ҳаммамиз хурсандмиз. Етти йил олдин биз у билан шартнома имзолашга муваффақ бўлган эдик, энди у клубимиз тарихидаги энг таниқли футболчилардан бири. Германиянинг 7 карра чемпиони, Чемпионлар Лигаси ғолиби, йилнинг энг яхши футболчиси ва ҳозир ушбу рекорд.
Мен Мюллер билан ўйнаганман ва у ҳозир Робертдан чин юракдан хурсанд бўлар эди. Ушбу икки ҳужумчи футбол тарихига ўз номларини ёзишди», - дея Руммениггенинг сўзларини келтиради Bayern&Germany.
