Суперлиганинг 9-тури доирасидаги баҳсда жамоамиз Муборакда "Машъал" меҳмони бўлади.

Александр Хомяков бошчилик қилаётган "Машъал" айни дам чемпионатда 5 очко билан 11-ўринни банд этиб турибди.

АГМК айни пайтда 16 очко билан турнир жадвалида учинчи ўринни эгаллаб турибди.

«Машъал» — АГМК жамоаларининг ўзаро учрашуви тарихига назар ташласак, бунга қадар барча мусобақаларда жами 22 ўйин ўтказилган. Бу борада тарози палласида тенглик. АГМК 9 ғалаба, "Машъал" ҳам 9 бор ютуққа эришган. Қолган 4 учрашув дуранг билан тугаган. Тўплар нисбати: 24-23.

Эҳтимолий бўлажак ғалаба ўзаро ўйинлардаги ҳисоб-китобни ўша жамоа фойдасига буради.

Мазкур ўйинни бошқариб бориш масъулияти собиқ футболчи, эндиликда ҳакамлик фаолиятини бошлаган Илья Ильин зиммасига юкланди. «Машъал» жамоасининг собиқ футболчиси, айни пайтдаги ҳакам Илья Ильин учун мазкур баҳс АГМК иштирокидаги илк дебют ўйинга айланади. Ильин жорий мавсум ҳисобидан учинчи маротаба «Машъал» ўйинини бошқариш арафасида. Бунга қадар собиқ футболчи ва эндиликда ҳакамлик фаолиятини олиб бораётган Ильин «Машъал»нинг Ўзбекистон кубоги доирасидаги «Металлург» ва «Янгиер» жамоаларига қарши ўйинларида ишлади ҳамда мазкур баҳсларда муборакликлар ғалаба қозонган.

Суперлига, 9-тур.
19 май, чоршанба.
«Машъал» — АГМК (17:30)
Муборак, Баҳром Вафоев стадиони.
Ҳакамлар: Илья Ильин, Ҳусниддин Шодмонов, Акмал Ғиёсов, Даврон Акмалов
Назоратчи: Бахтиёр Тоғаев
Комиссар: Сардор Қудратуллаев