Superliganing 9-turi doirasidagi bahsda jamoamiz Muborakda "Mash’al" mehmoni bo‘ladi.

Aleksandr Xomyakov boshchilik qilayotgan "Mash’al" ayni dam chempionatda 5 ochko bilan 11-o‘rinni band etib turibdi.

AGMK ayni paytda 16 ochko bilan turnir jadvalida uchinchi o‘rinni egallab turibdi.

«Mash’al» — AGMK jamoalarining o‘zaro uchrashuvi tarixiga nazar tashlasak, bunga qadar barcha musobaqalarda jami 22 o‘yin o‘tkazilgan. Bu borada tarozi pallasida tenglik. AGMK 9 g‘alaba, "Mash’al" ham 9 bor yutuqqa erishgan. Qolgan 4 uchrashuv durang bilan tugagan. To‘plar nisbati: 24-23.

Ehtimoliy bo‘lajak g‘alaba o‘zaro o‘yinlardagi hisob-kitobni o‘sha jamoa foydasiga buradi.

Mazkur o‘yinni boshqarib borish mas’uliyati sobiq futbolchi, endilikda hakamlik faoliyatini boshlagan Ilya Ilin zimmasiga yuklandi. «Mash’al» jamoasining sobiq futbolchisi, ayni paytdagi hakam Ilya Ilin uchun mazkur bahs AGMK ishtirokidagi ilk debyut o‘yinga aylanadi. Ilin joriy mavsum hisobidan uchinchi marotaba «Mash’al» o‘yinini boshqarish arafasida. Bunga qadar sobiq futbolchi va endilikda hakamlik faoliyatini olib borayotgan Ilin «Mash’al»ning O‘zbekiston kubogi doirasidagi «Metallurg» va «Yangiyer» jamoalariga qarshi o‘yinlarida ishladi hamda mazkur bahslarda muborakliklar g‘alaba qozongan.

Superliga, 9-tur.
19 may, chorshanba.
«Mash’al» — AGMK (17:30)
Muborak, Bahrom Vafoyev stadioni.
Hakamlar: Ilya Ilin, Husniddin Shodmonov, Akmal G‘iyosov, Davron Akmalov
Nazoratchi: Baxtiyor Tog‘ayev
Komissar: Sardor Qudratullayev