«Бока Хуниорс» вице-президенти Хуан Роман Рикельме Эдинсон Каванини клубида кўриш мумкинлиги ҳақидаги саволларга жавоб берди.
Уругвайлик футболчи яқин вақтгача Аргентина клуби учун потенциал номзод сифатида кўрилаётганди, аммо ҳужумчи яқинда «Манчестер Юнайтед» билан шартномасини бир йилга узайтирди.
"Менимча кейинги йил Кавани биз билан бўлади. У бизга келишини интиқлик билан кутаётганини айтганди.
Биз айтадиган ягона нарса - унинг бу ерга келиши жамоатчиликнинг стадионларга қайтиш фоизларини ошириб беради. Аммо бугун бизда аудитория йўқ", - дейди Рикельме.
Кавани ушбу мавсум АПЛнинг 25 ўйинида майдонга тушиб, тўққизта гол урди.
