«Бавария» президенти Карл-Хайнц Румменигге Мюнхен клуби ҳужумчиси Роберт Левандовскини сотмоқчи эмаслигини алоҳида таъкидлади.
Полшалик тўпурар Мюнхенликларнинг ички чемпионат ва Европа майдонларидаги муваффақиятларининг асосий омилларидан бири ҳисобланади.
«Биз ҳаммамиз Роберт Левандовскидан мамнунмиз. Етти йил олдин биз уни «Бавария»га текинга олиб келган эдик ва у ҳозир клубимиз тарихидаги энг қиммат футболчилардан бирига айланди.
Германиянинг 7 карра чемпиони, Чемпионлар Лигаси ғолиби, Европанинг энг яхши футболчиси - бу унинг ютуқлари. Мен Герд Мюллер билан ўйнаганман ва у Роберт учун чин юракдан хурсанд бўлишини биламан.
Иккаласи ҳам футбол тарихидаги ажойиб ҳужумчилар», - дейди Румменигге.
