«Ювентус» ҳужумчиси Криштиану Роналдунинг туринликлар сафидаги сафари ниҳояланиб бораётган кўринади.
Тармоқда унинг машиналари Туриндаги уйидан олиб чиқиб кетилаётгани тўғрисидаги видео пайдо бўлган.
Транспорт ташиш хизмати билан шуғулланувчи компания Лиссабон шаҳридан эканлиги маълум бўлди.
Аввалроқ, 36 ёшли форвард Португалия пойтахтидан пентҳаус сотиб олгани ва «Спортинг» клубига кетмоқчи эканлиги ҳақида хабарлар тарқалганди.
Аммо, унинг агенти Хорхе Мендеш футболчи яқин келажакда Португалияга қайтишни режалаштирмаётганини эълон қилганди.
