Сocа Cola Суперлигасининг 9-турида Муборакнинг “Машъал” жамоаси  Олмалиқнинг “АГМК”  жамоасига қарши майдонга тушади.

Учрашув расмийлари

Муборакда бўлиб ўтадиган “Машъал” – “АГМК” учрашувини Илья Илmин бошқариб боради. Унга қанотларда Ҳусниддин Шодмонов ва Акмал Ғиёсов ёрдам беришади. Учрашувда захира ҳаками сифатида Даврон Акмалов ишлайди. Ҳакамлар ишини Бахтиёр Тоғаев назорат қилади. Учрашув комиссари — Сардор Қудратуллаев.

Ўзаро ўйинлар

“Машъал” ҳамда АГМК жамоалари Олий лигада 20 бор куч синашишган. Натижалар муборакликларнинг устунлигини кўрсатмоқда. “Газчи”лар 9 ўйинда ғалаба қозонишган, 4 учрашув дуранг қайд этилган. АГМК эса 7 бора рақибини мағлуб этган. Тўп киритиш борасида ҳам устунлик газчилар клубида – 24:22. Ўзаро ўйнларда “Машъал” 31 очкони, “АГМК” эса 25 очкони қўлга киритган.

“Машъал”нинг АГМК устидан қозонган энг йирик ғалабаси – 3:1. Ўз навбатида олмалқиликларнинг  ҳам “Машъал” устидан ўзаро ўйинлардаги энг йирик муваффақияти эса 4:0ни ташкил қилади.

Бошланиш вақти

“Машъал” – АГМК учрашуви Муборакда Баҳром Вафоев номли ўйингоҳда 19-май чоршанба куни бўлиб ўтади. Учрашув соат 17:30 да бошланади.