Soca Cola Superligasining 9-turida Muborakning “Mash’al” jamoasi  Olmaliqning “AGMK”  jamoasiga qarshi maydonga tushadi.

Uchrashuv rasmiylari

Muborakda bo‘lib o‘tadigan “Mash’al” – “AGMK” uchrashuvini Ilya Ilmin boshqarib boradi. Unga qanotlarda Husniddin Shodmonov va Akmal G‘iyosov yordam berishadi. Uchrashuvda zaxira hakami sifatida Davron Akmalov ishlaydi. Hakamlar ishini Baxtiyor Tog‘ayev nazorat qiladi. Uchrashuv komissari — Sardor Qudratullayev.

O‘zaro o‘yinlar

“Mash’al” hamda AGMK jamoalari Oliy ligada 20 bor kuch sinashishgan. Natijalar muborakliklarning ustunligini ko‘rsatmoqda. “Gazchi”lar 9 o‘yinda g‘alaba qozonishgan, 4 uchrashuv durang qayd etilgan. AGMK esa 7 bora raqibini mag‘lub etgan. To‘p kiritish borasida ham ustunlik gazchilar klubida – 24:22. O‘zaro o‘ynlarda “Mash’al” 31 ochkoni, “AGMK” esa 25 ochkoni qo‘lga kiritgan.

“Mash’al”ning AGMK ustidan qozongan eng yirik g‘alabasi – 3:1. O‘z navbatida olmalqiliklarning  ham “Mash’al” ustidan o‘zaro o‘yinlardagi eng yirik muvaffaqiyati esa 4:0ni tashkil qiladi.

Boshlanish vaqti

“Mash’al” – AGMK uchrashuvi Muborakda Bahrom Vafoyev nomli o‘yingohda 19-may chorshanba kuni bo‘lib o‘tadi. Uchrashuv soat 17:30 da boshlanadi.