Кеча Қаршининг "Насаф" жамоаси ОФК Кубоги “Ф” гуруҳи 2-турида Тожикистоннинг “Хўжанд” жамоаси билан куч синашди ва якунда 3:0 ҳисобида ғалаба қозонди.
Ушбу учрашувда ҳам гол ҳам голли узатмани амалга оширган Шерзод Насруллаев бўлиб ўтган учрашув ҳақида ўз фикрлари билан бўлишди.
- “Aвваламбор барча мухлисларимизни кечаги ғалаба билан муборакбот этаман. Учрашув ҳақида гапирадиган бўлсам, биз рақибимизни яхшилаб ўрганиб, шунга яраша тайёргарлик кўрган эдик. Барчамиз ўзимизга берилган кўрсатмаларни тўлиқ бажаришга ҳаракат қилдик ва якунда керакли натижага эришдик” – дейди Шерзод Настуллаев.
- Сиз бўлиб ўтган икки учрашувда учта голли узатма ва бир маротаба рақиб дарвозасига гор уришга эришдингиз. Бу ҳақида ҳам ўз фикрларингиз билан бўлишсангиз.
Фақат мени ажратиб кўрсатиш нотоғри бўлади. Бу ерда жамоадошларимнинг ҳам меҳнати катта. Лекин бу натижадан хурсандман ва майдондаги ҳаракатларим билан жамоамга фойдам текканидан жуда ҳам хурсандман.
