Мадриднинг «Реал» клуби ҳужумчиси Карим Бензема Франция миллий жамоасининг Европа чемпионатига борадиган таркибидан жой олади, дея хабар бермоқда Le Parisien.
Манбанинг ёзишича, 33 ёшли форвард бош мураббий Дидье Дешам томонидан Евро-2020 учун чақириладиган 26 футболчидан иборат рўйхатга қўшилади.
Қайд этиш лозим, Бензема 6 йилдан буён Франция миллий жамоасига чақирилмаётган эди. Футболчи 2015 йилда миллий жамоадаги шериги Матье Вальбуэнага боғлиқ можарода аралашгани сабабли Франция миллий жамоасидан четлатилганди.
Маълумот учун, Карим Бензема Ла Лига жорий мавсумида мадридликлар сафида 33 ўйинда 22та гол, ЕЧЛда эса 10 ўйинда 6та голга муаллифлик қилган.
