«Манчестер Юнайтед» собиқ футболчилари Эрик Кантона ва Рой Кин Англия Премьер-лигаси шон-шуҳрат залига киритилган 3 ва 4-футболчига айланишди, дея хабар бермоқда ташкилот расмий сайти.
Бунгача «Ньюкасл» афсонаси Алан Ширер ва «Арсенал» афсонаси Тьерри Анри шуҳрат залидан жой олганди.
Франциялик футболчи Эрик Кантона 1992-97 йиллар давомида «МЮ» билан 4 карра Англия чемпионига айланган.
Ирландиялик Рой Кин эса АПЛда 366 ўйин ўтказиб, 39та гол ва 33та голли узатмага муаллифлик қилган. Унинг ҳисобида 7 карра Англия чемпионлиги бор. Кин «Манчестер Юнайтед»да 12 йил – 1993 йилдан 2005 йилга қадар тўп сурган.
