«Бавария» форварди Роберт Левандовски мавсум якунида Бундеслигани тарк этиши мумкин.
Sky Sport Germany’нинг ёзишича, польшалик форвард «Челси» клубига ўтиши мумкин. Лондонликлар Левандовскининг трансфери масаласида футболчининг агенти ва Мюнхен клубига алоқага чиққан. «Челси» устози Томас Тухель польшалик ҳужумчини ўз жамоасида кўрмоқчи.
Левандовски жорий мавсум «Бавария» сафида 39 ўйинда 47та гол ва 8та ассистга муаллифлик қилган. 2014 йилдан буён мюнхенликлар сафида тўп сураётган Левандовскининг амалдаги шартномаси 2023 йилга қадар белгиланган.
Аввалроқ, Робертга «Барселона» ва «ПСЖ» клублари ҳам қизиқиш билдираётгани ҳақида хабар берилганди. Қайд этилишича, Мюнхен клуби 32 ёшли голеадорни 60 миллион евро эвазига қўйиб юбориши мумкин.
