"Реал", "Ювентус", "Штутгарт" ва Германия терма жамоасининг собиқ ярим ҳимоячиси Сами Хедира профессионал футболчилик фаолиятини якунлаётганини эълон қилди.

Энди 34 ёшни қаршилаган Хедира айни дамда "Герта" клубида топ сураяпти. Ушбу мавсумда у атиги 8 ўйин ўтказиб, 2 голли узатмани амалга оширди.

Хедира 22-май, шанба куни Бундеслиганинг 34-тур доирасида "Ҳоффенхайм"га қарши футболчилик фаолиятидаги сўнгги ўйинида майдонга тушади.

"Хайрлашиш вақти келди. Ҳаётни ўзгартирадиган қарорларни қабул қилиш ҳеч қачон осон эмас. Аммо баъзида сиз бунга мажбур бўласиз. Шанба куни мен фаолиятимдаги сўнгги ўйинимни ўтказаман!

Менга энг катта клубларда ўйнаш, ажойиб совринларни ютиш ва 2014-йилги Жаҳон чемпионати кубогини қўлга киритганимиздаги тарихий дақиқаларнинг бир қисми бўлиш шарафи менга насиб этди! Барча мухлислар, жамоадошлар, мураббийлар ва, албатта, менинг оилам ва дўстларимга раҳмат. Эндиликда ниҳоясига етаётган ушбу саёҳатда сиз доимо мен билан бўлгансиз. Яна кўришамиз!" - деб ёзди Хедира Инстаграмда.