«Аякс» сардори Душан Тадичда фаолиятини «Барселона»да давом эттириш имконияти мавжуд эди.

«Барселона»га ўтиш ўтган йили менинг режаларимда бор эди, аммо ҳозир эмас. «Аякс» менинг клубим, унинг учун ҳамма нарсани қилишга тайёрман.

Шубҳасиз, Амстердамга келиш менинг ҳаётимдаги энг яхши танлов бўлган, - дейди 32 ёшли ҳужумчи.

Тадич «Аякс» сафига 2018 йилда келиб қўшилган. Ўшандан бери у 149 ўйинда 76 та гол урди. Амстердамликлар билан у иккита мамлакат чемпионлигини, шунча мамлакат кубоги ва суперкубогини қўлга киритди.