«Тоттенхем» раҳбарларидан бири Дэниел Леви «шпорлар» мухлисларига мурожаат қилди. Леви клубнинг 2020/2021 йилги мавсумдаги муваффақиятсизликлари ҳақида гапирди.
«Майдонда биз мухлислар умидларини оқлай олмаганимиз аниқ. 2019 йилда Чемпионлар Лигаси финалида мағлуб бўлганимиздан бери биз янги футболчиларга тахминан 250 миллион фунт сармоя киритдик. Бу йиғилган жамоадан умидимиз катта эди.
Декабрь ойида биз Премьер-лигада биринчи ўринга кўтарилгандик, афсуски, муваффақиятни ушлаб қолишнинг иложи бўлмади.
Кейинчалик Лига кубоги финалига чиқдик, аммо «Манчестер Сити»га ютказдик. Шунингдек, Европа Лигасидаги муваффақиятсизликлар...
Аммо, ушбу муваффақиятсизликларга қарамай, биз ҳали ҳам Евро зоналарда қатнашиш имкониятини унутмаслигимиз керак», - дея Левининг сўзларини келтиради «Тоттенхем» матбуот хизмати.
